Goiz lanbroa altxatu ostean, zerua ez da garbi geratuko, hodeitsu baizik. Eguerditik aurrera, ordea, hobetzera joko omen du. Hego-mendebaldeko haize ahul-bizia izango dugu, eta zenbaitetan bolada gogorrak izango ditu. Arratsalde partean, berriz, ipar-mendebaldeko osagaia hartuko du. Hiriburuko termometroak 10 eta 17 gradu artean ibiliko dira.
Badirudi bihar antzeko ibilbidea egingo duela ostegunak. Egun gehienean hodeitsu edo oso hodeitsu egongo baita, eta euria ere izan dezakegu, baina arratsaldetik aurrera hodeitza gutxituko da. Haizeak ipar-mendebaldetik egingo du ufa hasieran, baina arratsalde partean ekialdetik joko du. Hotz gehiago nabarituko dugu, 7 graduan hasi eta 16 graduraino.