Zeru hodeitsuak iragarri dituzte gaurkorako. Batez ere arratsaldean zaparradak bota ditzake. Hego-mendebaldeko haizea gogotsu ariko da, bolada oso gogorrekin, baina eguerditik aurrera motelago ibiliko da. Gasteizen 2 eta 12 gradu arteko aldea ikusiko da termometroetan, eta zenbait lekutan izoztera iritsi daiteke.
Bihar goizean zerua tarteka hodeitsu egongo da ere, baina erdi eta goi mailako hodeiak izango omen dira. Arratsaldean, berriz, ugarituko da hodeitza, eta euri txikia ere egingo omen du. Hego-mendebaldeko haize ahul-bizia ibiliko da, bolada gogorrekin. Tenperatura maximoek zertxobait egingo dute gora, baina minimoak bere horretan mantenduko dira: 3 eta 15 gradu arteko aldea iragarri dute.