Diario de Cádiz egunkariak eman du albistea, eta Garikoitz Knorr hizkuntzalariak jaso du sare sozialetan. Esteponako (Malaga, Espainia) bizilagun batek Rafael Alberti idazlearen euskarazko poesia bat aurkitu du Gasteizen argitaratzen zen 5 izeneko aldizkarian; 1934. urtean publikatu zuten Un fantasma recorre Europa poema euskaraz (Izukantza Europa ziar).
Francisco Garcia Castro Esteponako bizilagunak Espainiako Liburutegi Nazionalak dituen funts digitaletan egin du aurkikuntza; Gasteizen argitaratutako 5 literatura aldizkarian topatu du, soilik lau zenbaki izan zituen aldizkarian. Ohlari ezizena ageri da euskarazko poeman, Odon Apraizek erabiltzen zuen ezizena, Javier Diaz Nocik bere tesian jaso zuen bezala.
Aurretik, beste aurkikuntza bitxi batzuk ere egin ditu Garcia Castrok, ofizioz arotza eta literatura zaletasun duen Malagako lagunak; besteak beste, Pablo Ruiz Picasso edo Salvador Ruedaren zenbait idazlan aurkitu ditu.
Bidegileak bilduma
Hainbatentzat sorpresa izan bada ere, Albertiren euskaratutako poema ez da aurkikuntza berria, ordea. Bidegileak bilduman eman zuten horren berri, 1996an. Blanca Urgell filologoak idatzi zuen Odon Apraizen biografia txikian jaso zuen poemari buruzkoa.
Rafael Albertik Gasteizko aldizkari batean argitaraturiko euskarazko olerki bat aurkitu dute: https://t.co/fMjsQHbzie
— Garikoitz Knörr (@garikoitz) November 3, 2023
Zoragarria!
— Karlos (@K_Lubakitik) November 3, 2023
Urte luzez haintzat eman da frankismoan eraikitko Gasteizen inguruko mitifikazio atzerakoia.
Garai hartan Araba espainiar estatuko lurralde alfabetizatuena zen, Gasteizen antzoki ta kafe pila bat zeuden; ta kulturalki, hiriak musikari ta margolari oso onak eman zituen
A ze bitxikeria, hemen ikusgai '5' aldizkariak 1934an argitaratutako 4 aleak:https://t.co/eXezMQGHt1
— Lander 🔻🇨🇺 ✊🏿🔥 (@Landerlandia) November 3, 2023
Olharik itzuli zuela dio hor. Olhari Odon Apraiz zen. Horren berri Javier Diaz Nocik (bederen) eman du, bere tesian 1992an (200. orrialdea). Ez da ezezaguna
— pello salaburu (@psalaburu) November 3, 2023
Hau zoragarria da, Cadizko arotz eta poeta autodidakta batek topatu izanagatik, poema Albertirena izateagatik, euskaraz egoteagatik, Gasteizen 1934an argitaratutako aldizkari batean aurkitzeagatik... Zoragarria, benetan! 👇🏾 https://t.co/csH1bAvHw4
— Hasier Arraiz (@hasier_arraiz) November 3, 2023