Urriaren 28tik (larunbata) 29rako (igandea) gauean, 03:00etan, 02:00etara atzeratuko dira erlojuak, neguko ordutegiari hasiera emateko. Ordu aldaketaren Europako zuzentarauari jarraituz, EBko estatu guztietan ezarriko da ordu aldaketa, energia aurrezteko asmoarekin.
Gutxienez, 2026ra arte jarraituko dute indarrean ordu aldaketek, dela neguko ordutegiari dagokion aldaketa (urriko azken igandean egin ohi da) dela udakoari dagokiona (martxoko azken igandean egin ohi da).