Gaur zerua oso hodeitsu egongo da, eta euria ere izango dugu. Mendebaldetik etorriko zaigu haizea, eta bolada gogorrak izango ditu. Euskalmetek alerta laranja ezarri du haizegunetarako —110-120 km/h-ko abiadurara iritsi daiteke—, eta abisu horia gainerako lekuetarako. Tenperaturak beheranzko joeran tematuko dira, Gasteizen 6 eta 17 gradu artean ibiliko direlarik.
Asteburuari dagokionez, giroak zertxobait garbitzera egingo duela dirudi, eta hodeiak eta ostarteak tartekatuko dira. Haize gogorrak mantenduko dira, baina momentuz Euskalmetek ez du abisurik luzatu. Termometroetan, gauez eta goizean goiz hotza izango dugu: eguneko tarteak Gasteizen 5-17 eta 4-18 gradu artean ibiliko dira.