Duela hainbat egun inauguratutako ibilbide berrian sartuta jarraituko dugu datozen orduetan. Euskalmeten arabera, astearte honetan ere zerua oso hodeitsua egongo da Araban, eta noizbehinka euria izan dezakegu ere. AEMETek, berriz, eguzki gehiago marraztu ditu bere iragarpenetan. Haizeak hego-ekialdetik egingo du ufa, bolada gogorrekin. Tenperaturetan gorakada txikia sentituko dugu, Gasteizen eguneko tartea 13 eta 26 gradu artean ibiliko baita.
Biharko antzeko agertokia marraztu du Euskalmetek: zerua tarteka hodeitsu egongo da, noizean behin auria egingo duelarik. Eolo hegoaldetik tematuko da, bolada gogorrekin. Minimoek zertxobait egingo dute gora, era kontrako norabidean joango dira maximoak, muturreko jarreretatik aldendu nahian edo: 15 eta 23 gradu arteko izango da eguneko aldea.