Asteburuan hasitako giro aldaketa mantenduko da aste honen hasieran ere. Gaur zeru hodeitsuak izango ditugu, eta euria ere egin lezakeela dio Euskalmetek. Erdiko orduetan ostarteak zabalduko dira. Haizeak hegotik joko du, gogotsu. Tenperaturak nahiko epel geratuko dira: Gasteizen eguneko tartea 11 eta 23 gradu artekoa izango da.
Biharko antzeko giroa espero da: zeru oso hodeitsuak egongo bide dira, eta, orobat euria egin ahalko du. Haizea bere horretan geratuko da, hego-ekialdetik, bolada gogorrekin. Tenperaturak pittin bat igoko dira, 13 eta 26 gradu artean geratuz.