Gaur goizean giro eguzkitsua mantenduko den arren, egoera dezente aldatuko da datozen orduetan. Izan ere, arratsaldean hodeiak ugarituko dira, eta egunaren amaierarako euria egin dezake ere. Hego haizea izango dugu goizean, eta mendebaldekoa arratsaldean. Tenperaturak nahiko altu mantenduko dira, 10 eta 28 gradu artean hiriburuan.
Asteburuan, berriz, hodei asko izango ditugu, bai eta euria ere. AEMETen arabera larunbat osoan eta igande arratsaldean dago euria egiteko probabilitate gehien. Tenperatura maximoak amilduko dira, baina balore minimoetan ez da aldaketa askorik igarriko. Hurrenez hurren, larunbat eta igandean 11-20 eta 9-18 gradu arteko aldeak espero dira Gasteizen.