Asteazken eguzkitsua izango da gaurkoa, aurreko egunetan izan den giro berdinean. Ez da hodeirik izango eta haizeak gehienetan hegoaldetik egingo du ufa. Termometroetan ez da aldaketarik nabarituko, hiriburuko tenperaturak 13 eta 26 gradu artean ibiliko direlarik.
Ostegunean goiz lanbroa agertu daiteke, baina, behin hori altxatuta, eguna bezperakoaren parean joango da. Eguzkia nagusi, hego haizearekin. Lorenzoren eragin metatua tenperaturetan islatuko da: 12 graduan hasi eta 30 gradura iritsi daitezke.