Eguraldi eguzkitsuak segida izango du gaur, bai eta tenperatura altuak ere. Goizean lainoa ager daiteke, baina, ondoren, Lorenzo jaun eta jabe izango da. Goi hodeien tarte batzuk baino ez dira agertuko, bolada gogorrak izan ditzakeen hego haizearekin batera. Tenperatura altuak izango ditugu –Bizkai eta Gipuzkoarako abisu horia emana du Euskalmetek—: Gasteizen 15 eta 34 gradu arteko aldea iragarri du AEMETek.
Bihar aldaketa dator: hodeiak nagusituko dira, eta tantaren bat ere bota omen dezake. Haize aldakorra izango digu, baina arratsaldean ipar osagaian finkatuko da. Tenperaturak amilduko dira, hiriburuan 13 eta 23 gradu artean geratuz.
Bideoa: JUANMA GALLEGO / ALEA