Egun eguzkitsua izango da gaurkoa, baina goi hodeiak ere ikusiko ditugu han-hemenka. Haizea hegoalde osagaikoa izango da goizean, baina arratsaldetik aurrera iparretik egingo du ufa, ahul-bizi. Tenperatura maximoen gorakada izango da asteazken honetako ezaugarririk nabarmenena, 11 eta 30 gradu artean ibiliko garelako.
Ostegunean oso-oso antzekoa izango da giroa. Behin goizean goizeko lainoak altxatuta, egun eguzkitsua geratuko da. Eolo berdinetan ibiliko da ere, goizean hegoaldetik eta arratsaldean iparraldetik. Termometroan, aldaketarik ez: 11 graduan hasi eta 31raino igoko da galinstanoa.