Goizean goiz lanbroa egongo da, baina, gero zerua hodei gutxirekin edo oskarbi geratuko dela iragarri du Euskalmetek. Norabide aldakorreko haize ahula izango dugu, zenbait tarte bizirekin. Tenperaturek ere ez dute aparteko ezustekorik emango, hiriburuan 11 eta 28 gradu artean mantenduko direlarik.
Bihar antzeko patroia errepikatuko bide da, baina hodei gehiagorekin. Behin goizeko lanbroak altxatuta, zerua hodei gutxirekin egongo da. Agertuko diren hodeiak erdi eta goi mailakoak izango dira. Haizeak iparraldetik egingo du, bezperan baino indar gehiagorekin. Tenperatura maximoak zertxobait jaitsiko dira, eguneko tartea 11 eta 25 gradu artean egonda.