Goizean lainoa agertuko da, eta nahiko iraunkorra izan daiteke zenbait lekutan. Behin altxatuta, zerua nahiko garbi geratuko da, erdi eta goi mailako hodeiekin zipriztinduta. Hegoaldeko haizea egongo da, eta batez ere mendi inguruetan gogorra izan daiteke. Gasteizen termometroa atzokoaren parean geratuko da, 12 eta 26 gradu artean.
Bihar hodeiek beren lekua berreskuratuko dute, eta haiekin batera euria ere itzuliko da. Eolo berdin mantenduko da, hegoaldetik gogor ufa eginez. Tenperaturak dezente jaitsiko dira, eguneko tartea 10 eta 19 gradu artean geratuko delarik.