Hodeiak eta ostarteak tartekatuko dira gaur, eta arratsalde partean euria egin dezake. Haizeak hego-mendebaldetik egingo du ufa goizean, bolada gogorrekin, baina arratsaldean ipar osagaia hartuko du. Gasteizen termometroa 12 eta 23 gradu artean ibiliko da.
Bihar zeruak garbitzera joko du, lehen orduetan lainoa agertuko bada ere. Egun osoa hego haizea izango dugu nagusi, eta tenperaturen tartea are gehiago zabalduko da: 11 graduan hasi eta 25 gradura iristeraino.