Zerua tarteka hodeitsu mantenduko da, bereziki goizean. Gero pixkanaka gardenago gertuko da. Aurreko egunetan bezala, Eolo ipar osagaian mantenduko da, indar askorik gabe. Termometroari dagokionez, hiriburuan 14 eta 22 gradu arteko aldea egongo da.
Bihar agertoki lainotsuak ikusiko ditugu goizean goiz, baina goizak aurrera egin ahala garbitzera egingo du, eta egun eguzkitsua geratuko da. Haizeak norabidea aldatuko du, eta ekialdetik zein hego-ekialdetik egingo du ufa. Eguzkiaren eraginak tenperaturetan izango du isla: Gasteizen, 14 eta 26 gradu arteko aldea iragarri du AEMETek.