Abian da ikasturte honetan Arabako Errioxako IKA euskaltegian, Oionen, helduak euskara ikastera animatzeko kanpaina, Euskara irrIKA: aprende euskera con una sonrisa lelopean.
Urtero bezala, eskualdean euskara ikasi nahi duen orori matrikulazioa errazteko asmoz, hainbat bilera ireki deitu dituzte herriz herri; besteak beste, ikaslegai kopurua, bakoitzaren maila eta taldea osatzeko ordutegirik egokiena aztertuko dituzte bertan.
Egutegia
|
EGUNA |
LEKUA |
HELBIDEA |
ORDUA |
|
IRAILAK 11 |
Lapuebla |
Ikastola |
09:30 |
|
IRAILAK 11 |
Lapuebla | Ikastola | 19:30 |
|
IRAILAK 12 |
Guardia | Euskaltegia | 19:30 |
|
IRAILAK 13 |
Logroño | El Fuero de Logroño Hizkuntza Eskola Ofiziala - San Juan Pablo II, 4 - Bilera gela | 19:00 |
|
IRAILAK 14 |
Oion | Hegoalde aretoa | 09:00 |
|
IRAILAK 14 |
Oion | Euskaltegia | 19:30 |
|
IRAILAK 15 |
Eltziego | Irakasleen etxea | 10:00 |
|
IRAILAK 15 |
Eltziego | Irakasleen etxea | 19:00 |
|
IRAILAK 18 |
Bastida | Kultur etxea | 09:30 |
|
IRAILAK 18 |
Bastida | Kultur etxea | 19:30 |
|
IRAILAK 19 |
Mendabia | Mendaberria lokala | 20:00 |
|
IRAILAK 20 |
Lantziego | Gizarte etxea | 09:30 |
|
IRAILAK 20 |
Lantziego | Gizarte etxea | 19:30 |
|
IRAILAK 21 |
Viana | Elena Matute aretoa | 09:30 |
|
IRAILAK 21 |
Viana | Elena Matute aretoa | 19:30 |
|
IRAILAK 22 |
Samaniego | Osasun Zentroa | 19:00 |
|
IRAILAK 22 |
Villabuena | Kultur aretoa | 20:15 |
Gerturatzeko aukerarik ez duen jendeak Oiongo Diputazio kaleko 32. zenbakian dagoen euskaltegira jo dezake, edo telefonoz deitu 945 60 10 87 zenbakira; goizez, 10:00etatik 14:00etara, eta arratsaldez, 17:00etatik 20:00etara.
Bilera horien ostean eta matrikulazioa amaitu eta gero, irailaren azken astean, euskaltegiak ikaslegai guztiei banan-banan deituko die, maila bakoitzeko taldeak zein herritan eta zein ordutan sortuko diren esateko.
Ikasturtea urriaren 2an hasi eta ekainaren 27an amaituko da. Normalean, eskolak bi ordukoak izan ohi dira; gehienetan, astean zortzi ordukoak, baina sei edo laukoak ere izan ohi dira. Horrez gain, aurrez aurreko eskoletara joateko aukerarik ez dutenentzako, etxetik internet bidez ikasteko sistema bat ere eskaintzen du euskaltegiak, tutoretzez eta mintza-saioz osatuta.
Beraz, Arabako Errioxako ikasleek hiru aukera nagusi izango dituzte euskara ikasteko: aurrez aurreko ikasteredua; tutorizatutako autoikaskuntza, tutoretza eta mintza-saioekin (aurrez aurre edo bideokonferentziaz); eta urrutiko aurrez aurreko talde irakaskuntza ikasteredua. Gainera, klasetik kanpo euskara lantzeko xedearekin, urtean zehar kultur ekitaldi ugari antolatu ohi du euskaltegiak: txangoak, antzerkiak, hitzaldiak, afariak...
Joan den ikasturtean (2022/2023), 187 ikasle izan dira Arabako Errioxako euskaltegian. Horietako 147 aurrez aurreko taldeetan, eta beste 40 modu telematikoan.
