Egunaren hasieran hodeiak egon daitezke, baina pixkanaka garbitzen joango da, eta egun eguzkitsua geratuko dela espero da. Haizea hegoaldetik etorriko da, eta zenbaitetan gogoz egingo du. Tenperaturetan ez da aldaketarik egongo, eta goian mantenduko dira: Gasteizerako 17 eta 29 gradu arteko aldea iragarri du AEMETek.
Biharko iragarpena ia-ia berdina da, Euskalmeteko teknikariak copy-paste bat egin izan balu bezala: giro eguzkitsua espero da, egunaren hasieran zerua tarteka hodeitsu egon daitekeen arren. Eolo ere berdinetan ibiliko da, hegotik, zenbait bolada gogorrekin. Tenperaturen tartea ere oso antzekoa izango da hiriburuan, 16 graduan hasita eta 29 graduraino.