Gaurko eguna atzokoaren parekoa izango da, baina bihar aldaketa etorriko da berriro, batez ere tenperatureta
Atzo bezala, gaur zerua tarteka hodeitsu egongo da, eta zaparradaren bat bota lezake. Arratsaldean ipar osagaiko haizeak bolada gogorrak izan ditzake. Termometroetan ere ez da demaseko aldaketarik espero: hiriburuan 12 eta 21 gradu artean mugituko da galinstanoa.
Bihar zerua pixka bat garbiago egongo omen da, eta, aspaldiko partez, lainoak ikusiko ditugu goizean. Norabide aldakorreko haize ahula ibiliko da, baina arratsaldean ipar osagaian finkatuko da. Aldaketa handiena termometroetan egongo da, eguneko aldea asko zabalduko baita: Gasteizen 9 graduan egongo da minimoa, baina beroa pilatu ahala 26 graduraino iritsiko da.