Asteburuan izandako eguraldiaren aldaketa bere horretan mantenduko da datozen orduetan, eta tenperatura altuak alde batera geratuko dira momentuz. Gaur lurralde gehienean zeru oso hodeitsuak izango ditugu; are, egunaren lehenengo partean zaparradak izan daitezkeela iragarri du Euskalmetek. Ipar haizea izango dugu, bolada gogor batzuekin. Gasteizen 12 eta 21 gradu arteko tenperaturak espero dira.
Biharko eguraldia ia-ia gaurkoaren kalko bat izango da: zeru hodeitsuak eta, noizbehinka, euria izango dugu ere. Haizea ere berdintsu ibiliko da, iparretik, eta zenbaitetan gogotsu ariko da. Tenperaturak hiriburuan oso antzera ibiliko dira: 11 graduan hasi eta 22 gradura iritsiko direla dio AEMETek.
Bideoa: JUANMA GALLEGO / ALEA