Abuztuaren 10ean, ostegunean, Valderejoko parke naturalean San Lorenzo ohiko erromeria egingo dute,n Gaubeako eta Losa haraneko bizilagunak biltzen dituen ospakizuna. Jai eguna goizeko hamarretan hasiko da, Anderejoko mendilerroan kokatuta dagoen San Lorenzo ermitara igota.
Besteak beste, meza bat egingo dute 11:30ean, eta, ondoren, txoripanak eta freskagarriak banatuko dituzte bertaratutakoen artean, Gatzagako bandako musikak lagunduta. Bertako produktuen zozketa ere egingo dute. Arratsaldeko ekitaldien artean, arratsaldean Lalastrara jaistea eta bola-joko txapelketa izango dira, eta haurrentzako lantegiak ere prestatuko dituzte.
Aldundiak adineko eta mugikortasun urriko pertsonentzat doako garraio zerbitzua jarriko du baselizara joateko, beranduenez 11:00ak arte.
Erromeria hau 1990eko hamarkadan berreskuratu zuten, Valderejo parke natural izendatu ondoren, eta, harrezkero, ehunka lagun biltzen ditu urtero. Beste urte batzuetan bezala, 14:30etik aurrera, Valderejo Etxea jatetxeak paella eta edari bat banatuko ditu 10 euroan. Erreserbak: 945-353085.