Lehen orduetan lainoak sortuko dira, baina, ondoren, zerua hodei gutxirekin edo oskarbi mantenduko da. Arratsaldean bero hodeiak garatuko dira, eta horiek bildutako ura arratsaldean zaparrada modura askatu daiteke. Txingorra izateko aukeraz ere ohartarazi du Euskalmetek, baina momentuz (08:30) ez du aparteko abisurik eman. AEMETek ekaitz arriskuaz informatu du, %40-70 arteko posibilitatea aipatuta. 70-80 kilometro orduko haizeez eta txingorra izateko aukera aipatu du ere. Haizeak hegoaldetik joko du gehienetan, ahul, baina arratsaldean bolada gogorrak izan ditzake, are gehiago ekaitzak sortzen diren tokietan. Termometroari dagokionez, gaur 13 eta 33 gradu arteko aldea espero da Gasteizen.
Bihar zerua hodeitsuago egongo da, baina erdi eta goi mailako hodeiak izango dira, eta ostarte zabalak ere izango dira. Norabide aldakorreko haize ahula egongo da; goizean batez ere hego osagaiarekin, baina arratsaldean iparretik egingo du. Termometroan, minimoak ez dira iritsiko gaurko langara, baina nahiko altuak mantenduko dira: hiriburuan 14 eta 30 gradu arteko aldea iragarri du AEMETek.