Zenbait lekutan lainoarekin hasiko da eguna, baina, ondoren, eguzkitsu mantenduko da, hodei batzuez zipriztinduta. Haizeak iparraldetik joko du gehienetan, eta arratsaldean bolada gogorrak izango ditu. Termometroetan, maximoetan igarriko da aldaketa gehiena: 12 graduan hasi eta 26 gradurainoko aldea izango dute Gasteizen.
Biharko, antzeko agertokia izango dugu. Hasierako lainoak desagertzean, zerua nahiko garbi mantenduko da. Osterantzean, arratsaldean bero hodeiak garatuko dira, eta zaparrada trumoitsuren bat bota dezake. Eolok hegoaldetik ufa egingo du hasieran, baina arratsaldean ipar osagaia hartuko du. Galinstanoak are gehiago egingo du gora, 13 graduan hasi eta 33 gradura iritsiraino.