Antzeko giroa izango dugu gaurkoan ere, atzokoaren pare: zerua tarteka hodeitsu egongo da, eta ipar haizea izango da nagusi. AEMETen arabera, gau partean euri pixka bat etorri daiteke. Ohi bezala, arratsaldean Eolo indartuko da, bolada gogorrekin. Tenperaturei dagokienez, ez da aparteko aldaketarik espero: Gasteizen 14 eta 25 gradu artean mugituko da galinstanoa.
Bihar estaliago egongo dela espero izatekoa da. Hodeiak eta ostarteak iragarri ditu Euskalmetek. Bezperan bezala, arratsaldean gogorrago arituko den ipar haizea izango dugu. Euskalmetek ez du euririk iragarri. AEMETen arabera, ordea, bihar hiriburuan euria egiteko posibilitatea %100koa da. Tenperaturak zertxobait egingo du behera, hiriburuan 13 eta 23 gradu arteko aldea espero baita.