Atzoko uda mina atzean utzi eta normaltasunera bueltatzeko eguna izango da gaurkoa. Goizean hodei batzuk agertuko diren arren, oro har, egun eguzkitsua izango dugu. Eolok iparraldetik egingo du ufa, eta arratsaldean bolada gogorrak izango ditu. Termometroari dagokionez, 15 eta 24 gradu arteko aldea espero da Gasteizen.
Bihar eguna ilunago egongo da zenbaitetan, tarteka zerua hodeitsu egongo baita. Gainerakoan, gaurkoaren bidetik joango da osteguna: ipar osagaiko haizea, arratsaldean gogorragoa izango dena, eta tenperatura tarte berdina hiriburuan: 15 eta 24 gradu artekoa.