Eguzkiak azken egunetan izan duen protagonismoa galduko du datozen orduetan. Izan ere, gaur lurralde guztian zerua tarteka hodeitsu egongo da. AEMETen arabera, euri pittin bat izan dezakegu arratsaldean. Haizeak ez du oraingoan bere izaera aldatuko, eta ipar osagaian mantenduko da. Arratsaldean bolada gogorrak izango ditu. Termometroetan ere nabarmena izango da aldaketa: Gasteizen 14 eta 26 gradu arteko aldea izango dute.
Biharko, goiz lainoak espero izatekoak dira, eta, gaur bezala, zerua hodeitsu egongo da. Arratsalde partean zertxobait garbituko duela ematen du. Iparraldeko haizea izango dugu, baina nahiko ahula. Tenperaturetan, antzeko giroa izango dugu: Gasteizen 15 eta 25 gradu artekoa izango da aldea.