Alaves, Lehen Mailatik urrats batera

2-0 emaitzarekin, Alavesek irabazi zuen bart gauean, Mendizorrotzean, Lehen Mailara igotzeko playoff-aren finalerdiko itzulerako partida. Ipuruan jokatutako lehen partidan berdindu zuten bi taldeek (1-1), eta, beraz, Arabako taldeak eskuratu du hurrengo fase erabakigarrirako txartela.

Lehen minutuan egindako gol batek (Luis Riojaren erdiraketa eta Abderen jaurtiketa) eta sufritutako partidaren azken txanpan, 88. minutuan, Villalibrek sartutako golak eman diote garaipena Alavesi.

Las Palmas eta Granada dira Lehen Mailara zuzenean igo ziren bi taldeak, baina hirugarrena finalean erabakiko da. Eibar eta Albacete kanpoan gelditu dira, eta Alavesek Levanteren aurka jokatu beharko du oraingoan, bi partidatan: ekainaren 11n Gasteizen, Mendizorrotzean, 21:00etan; eta hilaren 17an Valentzian, Valentzia Hiria Estadioan, 21:00etan.