Araba, Bizkaia eta Gipuzkoako 13.401 ikaslek unibertsitatera sartzeko azterketak egingo dituzte hiru egunetan zehar: ekainaren 7an, 8an eta 9an; asteazkenean, ostegunean eta ostiralean. Batxilergoko 12.080 ikasle eta Lanbide Heziketako goi mailako zikloetako 815 (guztira, 12.895, 2022an baino %1 gehiago), baita nota igo nahi duten aurreko kurtsoetako beste 506 ere; azken horiek irakasgai espezifikoetara aurkeztu dira.
Gure lurraldeari dagokionez, 1.824 arabar aurkeztu dira azterketetara: Batxilergoko 1.702 ikasle eta Lanbide Heziketako beste 122; 1.053 emakume eta 771 gizonezko; ikasleen %65,9 euskaraz eta %34,1 gaztelaniaz.
Honela banatuko dira aurtengo azterketak:
| ASTEAZKENA | OSTEGUNA | OSTIRALA | |
|---|---|---|---|
| 08:30 - 09:00 | Aurkezpena | ||
| 09:00 - 10:30 |
|
|
|
| 10:30 - 11:15 | Atsedenaldia | Atsedenaldia | Atsedenaldia |
| 11:15 - 12:45 |
|
|
|
| 12:45 - 14:30 | Atsedenaldia | Atsedenaldia | |
| 14:30 - 16:00 |
|
|
|
| 16:00 - 16:30 | Atsedenaldia | Atsedenaldia | |
| 16:30 - 18:00 |
|
|
Datak eta epeak
- Kalifikazioak argitaratzea: ekainaren 15ean, 12:00etan, web bidez.
- Emaitzen txartela lortzea: ekainaren 21ean, web bidez.
- Berrikusketa egiteko eskaera: ekainaren 16an, 19an eta 20an, 14:30ak arte, web bidez.
- Berrikusketaren kalifikazioak argitaratzea: ekainaren 27an, web bidez. Posta bidezko jakinarazpena.
- Behin betiko ebazpena: ekainaren 27an, web bidez.
- Azterketak ikusteko eskaera: ekainaren 28an eta 29an, web bidez.
- Azterketa ikustea (aurretiko eskaera): ekainaren 30etik uztailaren 11ra. E-mailez bidaliko dira
- Ezohiko deialdia: uztailaren 5ean, 6an eta 7an.
Nola ebaluatzen da nota?
Proba EHUren hiru campusetan banatutako 39 epaimahaitan banatuko da, tartean Gasteizkoa. Ebaluazioak bi fase ditu:
- Sarbidea: ikasleek graduko unibertsitate ikasketa ofizialak egiteko heldutasuna eta oinarrizko trebetasunak neurtzeko. Bost azterketa (0 eta 10 bitarteko nota): Gaztelania eta Literatura, Euskara eta Literatura, Espainiako Historia, Lehenengo Atzerriko Hizkuntza, eta Batxilergoko 2. mailako modalitateko derrigorrezko gaia. Batxilergoko notaren (%60) eta probaren kalifikazioaren (%40) artean egindako batez besteko nota haztatuan, 5 puntu edo gehiago lortuz gero proba gainditutzat joko da, baldin eta ikasleak gutxienez 4 puntu lortu baditu USEan.
- Onarpena: borondatezkoa. Ikasleak edozein irakasgai aukeratu dezake Batxilergoko bigarren mailako enborreko aukerazko irakasgaien artean; gehienez, lau. Nota igotzeko sarbide fasean egindako irakasgaietako batzuek balio ahal dute ere.