Azken egunotako joerari jarraiki, gaur zeru hodeitsua izango dugu, eta arratsaldean zaparradaren bat bota dezake ere. Haizeak hegotik edo hego-ekialdetik egingo du ufa, eta bolada gogorrak izan ditzake. Tenperaturetan ere ez da aldaketa handirik espero, eguneko tartea Gasteizen 16 eta 26 gradu artean mantenduko baita.
Biharko, antzeko iragarpena egin du Euskalmetek, eta aldagai guztiak bere horretan mantenduko dira: hodeiak egun gehienean, eta arratsaldean ekaitzak izango ditugu. AEMETen arabera, arratsaldean euria egiteko aukera %100ekoa da. Haizeak ere bide beretik joko du, hegoaldetik, eta termometroetan antzeko tenperaturak izango ditugu, 15 eta 27 gradu artean.