Azken egunotako itxura berdinarekin hasiko da aste hau: eguna lainoekin esnatu daiteke zenbait puntutan, eta eguzkia eta ostarteak tartekatuko dira. Bero hodeiak pilatuko dira, eta, arratsaldean, bero hori guztia euria gisa askatu daiteke, ekaitzen bitartez. Hegoaldetik egingo du ufa haizeak, baina arratsaldean ipar-ekialdeko osagaia hartuko du. Tenperaturak nahiko altu mantenduko dira: hiriburuan 11 graduan hasi eta 26 gradura iritsiko dira.
Antzeko jokabideak izango du astearteak: tarteka hodeiak izango ditugu, eta bero hodeiak arratsaldean. Ondorioz, zaparrada trumoitsuak egon daitezke arratsalde partean. Eolok hegoaldetik egingo du ufa, baina aparteko indarrik gabe. Tenperaturak are gehiago igoko dira, 13 eta 27 gradu arteko aldean.