Gaur zerua tartea hodeitsu egingo da, eta haizeak hegoaldetik egingo du ufa; bolada gogorrak izan ditzake, gainera. Tenperaturak asko igoko dira, batez ere maximoak: Gasteizen 8 eta 24 gradu arteko aldea espero da.
Asteburuari dagokionez, larunbaterako eguzkia espero da, baina arratsaldetik aurrera bero hodeiak pilatu daitezke. Izan ere, tenperatura are altuagoak izango dira, eta hori nabarituko da atmosferaren galdaran: 12 eta 27 gradu arterako aldea egongo da. Igandean, berriro hodei gehiago agertuko dira, eta noizbehinka zaparrada trumoitsuak ere egon daitezke. Hauteskunde egun horretan tenperaturak antzera mantenduko dira, 12 eta 26 gradu artean.