Asteazken goiza oso hodeitsua izango da, baina, Euskalmeten arabera, arratsaldean ostarteak zabalduko dira. Noizbehinka euria egin dezake. Iparretik joko du haizeak, eta batez ere arratsaldean indartsuago ibiliko da. Tenperaturetan, maximoetan igarriko da aldaketa bakarra, pittin bat igoko baita galinstanoa: 11 eta 20 gradu arteko aldea iragarri dute Gasteizerako.
Ostegunak kontrako kontrako garapena izango du. Izan ere, goizean hodeiak eta ostarteak izango ditugu, baina arratsaldearekin batera hodei horiek trinkotuko dira, eta gauarekin batera zaparrada batzuk bota ditzake. Haizeak ipar osagaian finkatuta jarraituko du, bolada gogorrekin. Termometroetan, tenperaturak zertxobait jaitsiko dira, 8 eta 18 artean kokatuz.