Zeru hodeitsuak espero dira astearen hasiera honetan, eta noizbehinka zaparrada txikiren bat ere izan dezakegu. Haizeak ipar-mendebaldetik joko du gehienetan, ahul bizi. Arratsaldean biziago egin dezake, bolada gogor batzuekin. Tenperaturei dagokienez, 9 eta 19 gradu arteko aldea izango dute hiriburuan.
Biharkoa gaurkoaren segida izango da. Ortzia oso hodeitsu edo estalita ikusiko dugu, eta euriak ere izan daitezke, bezperakoak baino ugariagoak. Haizea bere horretan mantenduko da, mendebaldetik eta ipar-mendebaldetik, ahul-bizi, eta bolada gogor batzuekin arratsaldean. Termometroetan ez da aparteko aldaketarik espero, minimoak pittin bat baino ez dira igoko: 11 eta 19 gradu arteko aldea iragarri du AEMETek.