Madrilek unibertsitate sistema antolatzeko prestatu duen lege berrian Euskal Filologia ezagutza arlo gisa Filologia Hispanikoen pean jartzeko erabakiak hautsak harrotu ditu. Espainiako Gobernuaren asmoa salatzeko, Gasteizko EHUko Euskara Taldeak elkarretaratzea egin du asteazken honetan.
Bertan "erasotzat" jo dute plana, eta, besteak beste, aurreratu dute euskal ikasketak eginak izatearen beharra baliogabetzeko arriskua dakarrela. Erabakiak sortutako ezinegonaren ondoren, eta EH Bilduk egindako galderari erantzunez, Espainiako Unibertsitate ministerioak aurreratu du "irtenbide egokia" bilatuko duela.