Zenbait lekutan lanbroarekin hasi daiteke eguna. Gainerakoan, zerua hodei gutxirekin geratuko da, baina gau partean tarteka hodeitsu azalduko da ortzia. Haizea batez ere goizean ahul-bizi ibiliko da, zenbait bolada gogorrekin, baina egunak aurrera egin ahala ahultzen joango da. Tenperatura altuak espero dira gaurkoan ere: 10 eta 26 gradu arteko aldea iragarri dute hiribururako.
Biharko, antzeko egoera espero da: goizean lanbroa agertu daiteke, baina gero ortzia hodei gutxirekin geratuko da. Horiek erdi eta goi mailakoak izango dira. Haizeak goizean ahul-bizi joko du, hego-mendebaldetik; arratsaldean, berriz, ipar-ekialdetik. Tenperaturak antzera ibiliko dira: 8 eta 27 gradu artekoak izango dira.