Zenbait lekutan eguna lainoarekin hasiko bada ere, lehen orduetatik horiek altxatuko dira pixkanaka, eta zeruak garbi geratuko dira. Haize ahula izango dugu, norabide aldakorrekoa. Arratsaldean osagai nagusia ipar-ekialdekoa izango da, eta biziago arituko da. Termometroetan, 3 eta 17 gradu arteko aldea espero da Gasteizen.
Biharko, ez da aldaketarik espero zeruan. Laino batzuk ere sor daitezke egunaren hasieran, baina, oro har, egun eguzkitsua izango dugu. Egotekotan, goi hodeiak agertuko dira. Haizeak indar askorik gabe jarraituko du, hego-ekialdetik gehienetan. Termometroetan, pilatutako beroa nabarituko da: Gasteizen 3 eta 24 gradu arteko aldea espero da, baina zenbait tokitan izotza sortzeko arriskuaz ohartarazi du Euskalmetek.