Zein aukera dauka Baskoniak Top8-an sartzeko?

Erredakzioa 2023ko api. 7a, 21:21

Azken jardunaldian erabakiko da zeintzuk diren titulurako kanporaketetan lehiatuko diren zortzi taldeak.

Denboraldi osoan zehar zortzi onenen artean sailkatuta egon ostean, azken jardunaldian eskuratu beharko du Baskoniak aurtengo playoff kanporaketan aritzeko txartela. Hil ala biziko partida izango da gasteiztarrentzat eta eszenatokirik zailenean lehiatu beharko dira gainera. Aurrez aurre Olympiakos, sailkapeneko liderra, izango dute Peñarroyaren mutilek. Pireon izango da norgehiagoka erabakiorra, ostegunean, 20:00etan.

Garaipena lortzekotan poltsikoan izango du, gutxienez, zortzigarren postua. Galtzekotan ordea, Zalgirisek Bayern Munichen aurkako partida (ostirala, 20:30) galdu zain geratu beharko dute gasteiztarrek.

Izan zaitez ALEAkide!

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.

Informazio gehiago