Arabako herrietako osasun zentroetako profesionalek eta pazienteek iragan astean hasitako protestak mantenduko dituzte, osasun arretaren kalitatea bermatzeko. Gainera, gaurko kontzentrazioetan iragarri dute mobilizazioak indartuko dituztela, eta hurrengo asteetan kontzentrazioak errepikatuko dituzte.
Eusko Jaurlaritzak aurreikusi duen lan berrantolaketak pazienteen arretaren kalitatea kaltetuko dituela uste dute. Asteburuko langileak eguneroko lantaldera pasatzen dira, eta, beraz, guztiek txandakatu beharko dute asteburuak eta librantzak betetzeko. Nabarmendu dutenez, profesionalen falta gero eta handiago izango da berrantolaketa horrekin, eta gainera, aurrerantzean erizainak bakarrik egongo dira landa eremuko osasun zentroetan.