Aldaketa martxan da. Euskalmeten arabera, gaur zeru hodeitsuak izango ditugu, eta baliteke ere euria egitea. Haizeak mendebaldetik joko du hasieran, zenbaitetan gogotsu, baina arratsaldean ipar osagaia hartuko du Eolok. Tenperaturek beheranzko joera hatuko dute: Gasteizen 8 eta 18 gradu artean mugituko dira.
Asteburuari begira, hodeiak mantenduko bide dira. Euria izatekotan, larunbat arratsaldean eta igande goizean dago arrisku gehien. Oro har, haizeak iparraldetik egingo du ufa, bolada gogor batzuekin. Tenperaturek beherantz jarraituko dute: larunbatean 5 eta 13 artean ibiliko dira; igandean, berriz, 4 eta 14 gradu artean.