Goizean hodeiak izango ditugun arren, arratsaldean horiek gutxitzera joko dute, eta goi mailako hodeiak baino ez dira geratuko. Norabide aldakorreko haize ahula izango dugu, goizean ipar osagaia nagusi izango delarik. Termometroan, 3 eta 14 gradu arteko aldea izango dugu.
Biharkoari dagokionez, lainoak agertuko dira goizean goiz, baina gero ortzia hodei gutxirekin geratuko da. Erdi eta goi mailako hodeiak baino ez dira izango. Haizea bezperan baino haserreago ibiliko da, hegoaldetik. Alde nabarmena egongo da tenperaturetan, eta hotzetik berotasunera pasako gara ordu gutxian: Gasteizen 2 graduan hasiko da, baina galinstanoa 22 gradura igoko da egunean zehar.