Zerua nahiko hodeitsu hasiko da, eta hala mantenduko da goizean zehar, baina arratsaldean gutxitzera egingo du, eta garbiago geratuko da. Goizean zehar han-hemenka euria ere egon ahalko da. Mendebal osagaiko haize ahul bizia izango dugu. 5 eta 16 gradu arteko tenperaturak izango dituzte hiriburuan.
Asteburuari dagokionez, larunbatean hodei gutxi batzuk izango ditugu, eta egunak aurrera egin ahala horiek trinkotuko dira. Igande goizerako nahiko eguraldi eskasa egon daiteke, eta euria egiteko aukerak une horretan kontzentratuko dira. Egoera ez omen da asko luzatuko, eta igande arratsalderako garbiago egongo dela dirudi. Larunbaten egongo da termometroetan jauzi handiena: egun horretan Gasteizen tartea 3 eta 20 gradu artekoa izango da. Igandean, berriz, 5 eta 16 gradu artean mugituko da galinstanoa.