Atzokoak segida izango du gaur: erdi eta goi mailako hodeiak izango ditugu egun osoan. Eguzkia ikusi ahalko dugun arren, arratsaldetik aurrera hodeitza handituko da. Dena dela, ez dute euririk askatuko. Hego-mendebaldeko haizeak ahul-bizi joko du, eta arratsaldean bereziki indartsua izango da. Tenperaturei dagokienez, nahiko giro epelarekin jarraituko dugu: 8 eta 21 gradu arteko aldea espero da Gasteizerako.
Ostiraleko goiza hodeitsu hasiko da, eta euri txikiren bat ere izan dezakegu. Halere, arratsalderako horiek desagertzen joango dira, eta ateri geratuko da. Haizeak mendebaldeko osagaia hartuko du. Epeltasuna mantenduko den arren, tenperaturek zertxobait behera egingo dute: 5 eta 18 gradu artean ibiliko da galinstanoa.