Zeruak hodei gutxi izango ditu gaur, batez ere arratsalde partean. Goizean, baina, lainoak eta tarte hodeitsu batzuk azalduko dira. Haize ahul eta aldakorra izango dugu; arratsaldean, ipar osagaia hartuko du. Termometroetan, maximoetan igarriko du aldaketa gehien: 4 graduan hasi eta 18 gradu arteko tenperaturak izango dituzte Gasteizen.
Bihar, berriz, ilunago egongo da. Berriro ere lainoekin hasi daiteke eguna, eta egun gehienean zerua hodeitsu mantenduko da. Erdi eta goi mailako hodeiak izango dira. Haizeak, berriz, hegoaldetik egingo du ufa, ahul-bizi. Zeru estaliak izan arren, termometroetan ez da nabarituko eguzkiaren falta, 5 eta 22 gradu artekoak espero baitira hiriburuan.