Zerua tarteka hodeitsu esnatu da, baina eguerditik aurrera ostarteak zabalduko dira. Eguzkia ikusita ere, arratsaldetik aurrera noizean behin zaparrada txikiak egon daitezke, eta trumoitsuak ere izan daitezke, gainera. Hegoaldeko haize gogorrak segida izango du. Termometroetan, 7 eta 18 gradu artean egongo dira Gasteizen.
Asteburuari begira, eguraldiak pixkanaka txarrera joko du. Larunbat goizean oraindik ostarteak ikusiko dira, baina eguerditik aurrera hodeiak ugarituko dira, zerua oso hodeitsua geratu arte. Hala jarraituko du igande goizean ere. Hodei horiekin batera zaparradak egon daitezke. Igande arratsaldean berriro aldaketa hasiko da, eta hodeitza gutxituko da. Termometroetan, jaitsiera nabarmena izango dugu: larunbatean 6 eta 16 gradu artean egongo dira, eta, igandean, 2 eta 11 arteko tartea.