Atzo baino garbiago egongo da ortzia. Tarteka hodeiak azalduko badira ere, erdi eta goi mailakoak izango dira. Haizeari adi jarraitu beharko zaio, batez ere goizean eta gauean bolada gogorrak izango dituelako. Termometroan, atzokoaren bidetik joango dira kontuak: Gasteizen 8 graduan hasi eta 20 graduraino iritsiko dira.
Asteburuari begira, orain arteko giro aldakorra mantenduko da. Larunbataren goiza gaurkorako espero den pareko egoeratik joango da, baina hodeiak pilatuko dira, eta arratsaldean euri txikia izan daiteke ere. Zeruak estalita mantenduko dira igande goizean ere, baina, antza, igande arratsalderako zertxobait garbituko du. Tenperaturak gorako joeran mantenduko dira. Ez da 10 gradutik jaitsiko; larunbatean 20 gradura iritsiko da galinstanoa, eta 22ra igandean.