Zeru hodeitsuekin jarraituko dugu, eta euria ere egiteko aukerak badira, batez ere eguerdi partean. Haizeak gogor joko du hego-mendebaldetik; zenbaitetan, oso zakar. Hori dela eta, Euskalmetek abisu horia eman du: zenbait tokitan 100 kilometro orduko abiadura har dezake. Termometroetan, kexu egiteko arrazoirik ez: Gasteizen 9 eta 19 gradu arteko aldea espero da.
Tankera berdinean jarraituko dugu ostegunean ere: hodei andana eta euria egiteko aukera, bereziki arratsaldean. Tenperaturak aintzat izanda, euri hori ekaitz modura etorri daiteke, gainera. Haizea ere haserre bizian jarraituko du, eta bolada oso gogorrak izango ditu. Tenperaturak antzera ibiliko dira, 6 eta 17 gradu artean.