Atzoko menia igarota, gaur berriz ere hodeiek hartuko dute ortzi gehiena, eta euria ere bota ahalko dute, bereziki eguerdian. Norabide aldakorreko haizea egongo da, goizean batez ere iparraldetik, eta arratsaldean hego-mendebaldetik. Bolada gogorrak izango ditu, gainera. Termometroetan berriz, gorakadak jarraituko du, batez ere minimoetan: 6 eta 16 gradu arteko aldea espero da Gasteizen.
Asteazkenean ere egun grisa izango dugula dio Euskalmetek, eta euria izateko arriskua ere egongo da. Haizeak batez ere hego-mendebaldetik joko du, baina aurreko egunetako kemenik gabe. Tenperaturei dagokienez, aspaldi sentitu gabekoak izango ditugu: Gasteizen 9 eta 19 gradu arteko aldea izan dezakete.