Behin goizean goizeko lainoak altxatuta, giro eguzkitsua izango da nagusi ostiral honetan. Aurreko egunetan izan duen haserrealdia gainditu eta dezente baretuko da haizea, sare sozialetako oihartzun ganbarak alboratu izan balitu bezala. Tenperaturetan nabarituko da Lorenzoren eragina: Gasteizen 0 gradutan hasi eta 17 graduraino iritsi daiteke termometroa.
Asteburuan ere eguraldia dotore ibiliko da. Hego haizea izango dugu denbora gehienean, eta, Eguzkia harro azalduko zaigu ortzian. Hori izango da goizean goizeko lanbroak altxatu ondoren, horiek ere deituta daudelako eguraldiaren festara. Igande arratsalderako, baina, hodeiak ere batuko dira. Tenperaturei dagokienez, larunbatean eta igandean -1/18 eta 1/15 gradu arteko aldeak iragarri ditu AEMETek.