Guardia Zibilaren eta Aduanak Zaintzeko Zerbitzuaren elkarlaneko operazio batean pertsona bat atxilotu dute Villamuriel de Cerraton (Palentzia), droga trafikoa egotzita. Operazioa urtarrilaren 26an jarri zen martxan, Forondako aireportuan (Gasteiz) substantzia estupefazienteak ezkutatzeko moduko posta bidalketa bat atzeman zutenean.
Paketearen helmuga Palentzia zen, eta, ikerketaren barruan, bidalketa Brasildik iritsi zela jakin ahal izan zuten. Dagozkion egiaztapenak egin ondoren, kokaina gisa identifikatu zuten barruko substantzia; guztira, etxeko erabilerarako substantzietan urtutako sei kilogramo kokaina gordin atzeman zituzten.
Ondoren, Guardia Zibilak eta Aduana Zaintzako Zerbitzuak bidalketa jaso behar zuen pertsona identifikatzea lortu zuten: Villamuriel de Cerrato udalerriko bizilagun bat zen. Azkenik, epailearen baimenarekin, urtarrilaren 30ean atxilotu zuten ustezko droga hartzailea, eta epailearen esku utzi zuten, droga trafikoko ustezko delitu bat egotzita.
Operación conjunta de la Guardia Civil y el Servicio de Vigilancia Aduanera.
— Subdelegación del Gobierno en Palencia (@Palencia_Gob) February 7, 2023
Detención de una persona por tráfico de
drogas en Villamuriel de Cerrato con 6 Kg brutos de cocaína diluidos en sustancias de uso doméstico.
La droga se detectó en el aeropuerto de Foronda en Vitoria. pic.twitter.com/E1P1GqTq1s