Lainoak agertuko dira goizean, eta zerua hodei gutxirekin geratuko da ondoren. Egunak aurrera jo ahala, baina, apurka hodeitza handituko da, ortzia nahiko hodeitsu geratu arte. Arratsalderako elur kota 600-800 metroren bueltan ibiliko dela dio Euskalmetek, baina egunaren amaierarako 800-1000 metrotan geratuko da. Haizeak ahul joko du, norabide aldakorrarekin. Izotzarekin tentuz ibili beharko da: Euskalmetek abisu horia eman du gaurkorako, tenperatura baxuak direla eta. Hiribururako –1 eta 6 gradu arteko aldea iragarri dute.
Bihar ere hodeitza izango dugu bidelagun. Hegoaldeko haize ahula izango dugu, eta izotza sortzeko arriskua, mantenduko den arren, txikiagoa izango da. Gasteizerako AEMETek 0 eta 9 gradu arteko aldea iragarri du.