Laino batzuk ager daitezke, baina, gainerakoan, atzokoaren martxari jarraitu eta egun eguzkitsua izango dugu. Iparraldeko haizeak joko du, batez ere arratsaldetik aurrera. Hori bai, gauaren etorrerarekin batera izotza sortu ahal izango da: tenperaturen tartea -1 eta 12 gradu artean ibiliko da, eta, horregatik, Euskalmetek abisu horia ezarri du.
Oro har, giro dotore hau bihar goizean mantenduko da, baina arratsaldean hodeiak agertzen hasiko dira. Igandean Eguzkia eta hodeiak tartekatuko dira zeruan, eta ipar haizeak gogorrago joko du zenbait lekutan. Eguzkia izanik ere, gogoratu negu betean gaudela, eta hori tenperaturetan ere islatuko da. AEMETen arabera, larunbatean termometroa zero azpikora iritsiko da, -1 eta 9 artean mugituz. Iganderako, berriz, epelago egongo omen da Gasteizen, 4 eta 8 gradu artean.